Кыргыз Республикасынын Министрлер Кабинетинин 2022-жылдын 23-августунда өткөргөн жыйынынын чечими менен кабыл алынган «Мамлекеттик тилдин бир айлыгынын» алкагында жана Кыргыз Республикасынын Ички иштер министрлигинин 2022-жылдын 1-сентябрындагы «Кыргыз Республикасынын Ички иштер органдарында мамлекеттик тилдин бир айлыгын өткөрүү жөнүндө» № 609-т тескемесин аткаруу максатында, 2022-жылдын 9-сентябрь күнү Республикалык окуу борборунда билим алып жатышкан баштапкы даярдоо курсунун талапкерлеринин катышуусу менен «Тилимди коргогонум – Мекенди коргогонум» аттуу поэзия сынагы өткөрүлдү. Иш-чарага КР Президентине караштуу Мамлекеттик тил жана тил саясаты боюнча улуттук комиссиянын маалымат катчысы Кутмырза Жакыбалиев жана Кыргыз-Түрк "Манас" университетинин кыргыз тил кординатору акын, котормочу  Исмаилов Алтынбек чакырылды.  Поэзия кечесинде кыргызды кыргыз  кылып  тааныткан Манас эпосунан үзүндү айтылып, кыргыздын белгилүү акындарынын ырларынан көркөм окулуп, обондуу ырлары ырдалды