2025-жылдын 5-мартында Эл аралык Жогорку Медициналык Мектебинде “Мамлекеттик тилди өнүктүрүүнүн кээ бир маселелери” аттуу кереге кеңеш өткөрүлдү. Иш-чараны Илимий иштер, мамлекеттик тил жана тил саясаты боюнча проректору, м.и.д. проф. Орозали Жаанбаевич Узаков алып барды.

Кереге кеңешке Кыргыз Республикасынын Президентине караштуу Мамлекеттик тил жана тил саясаты боюнча улуттук комиссиянын төрагасы Мелис Казакбаевич Мураталиев, КР Президентине караштуу Мамлекеттик тил жана тил саясаты боюнча улуттук комиссиянын мониторинг жана талдоо бөлүмүнүн жетектөөчү адиси Зинат Кадырова Туратбековна, Кыргыз Республикасынын Билим берүү жана илим министрлигинин Медиа борборунун директору Чекиров Кубатбек Асангазиевич, “Кыргызтест” мамлекеттик мекемесинин директору Топоева-Ставинская Батма Болоталиевна, «Акылай» долбоорунун тең негиздөөчүсү Бексултан Бакашов, Инновациялык изилдөө жана өнүктүрүү борборунун жетекчиси Гумеров Радмир Радикович, Мамлекеттик тил жана тил саясаты бөлүмүнүн башчысы Рима Жеңишовна Зайыркулова, ТИС кафедрасынын окутуучусу, ф.м.и.к., доц. Гульмира Мухтаровна Аманбаева, Маалыматтык технологиялар бөлүмүнүн башчысы Уран Рыспекович Мусабаев сыяктуу белгилүү адистер катышып, баяндама жасашты.

Кереге кеңештин алкагында ЖОЖ боюнча экскурсия уюштурулуп, иш кагаздарынын мамлекеттик тилде жазылышы, аткарылышы, көрүнөө маалыматтар жана башка маселелер көрсөтүлдү. Дипломдон кийинки окутуу деканатынын мисалында мамлекеттик тилде жүргүзүлгөн иш аракеттер талкууланды.

Иш-чара онлайн жана офлайн форматта болуп, Эл аралык Жогорку Медициналык Мектебинин жетекчилери жана мамлекеттик тилге жооптуу кызматкерлер катышты. Кереге кеңеште жооптуу кызматкерлерге 2000 сомдон үстөк акы кошулушу боюнча буйрук окулуп, талкуу учурунда ишке ашыруучу сунуштар айтылды.