Ички иштер министрлигинде мамлекеттик тилди өнүктүрүүдө аткарылып жаткан иштер талкууланды

2025-жылдын 26-мартында Ички иштер министрлигинде «Кыргыз Республикасынын мамлекеттик тили жөнүндө» Кыргыз Республикасынын конституциялык Мыйзамынын талаптарынын аткарылышы боюнча жолугушуу болуп өттү.

Аталган жолугушууга Кыргыз Республикасынын Жогорку Кеңешинин депутаты Гуля Кожокулова, Кыргыз Республикасынын Президентине караштуу Мамлекеттик тил жана тил саясаты боюнча улуттук комиссиянын төрагасынын орун басары Канат Сейдалиев жана жумушчу топтун мүчөлөрү, ошондой эле ички иштер министринин биринчи орун басары милициянын генерал-майору Адылбек Бийбосунов, ИИМдин Кадрлар башкы башкармалыгынын, Басма сөз кызматынын жетекчилери, Ардагерлер кеңешинин төрагасы жана ИИМдин Башкы штабынын мамлекеттик тил бөлүмүнүн өздүк курамы катышты.