2025-жылдын 6–7-октябрь күндөрү Бишкек шаардык мэриясынын Билим берүү департаменти тарабынан Мамлекеттик тил күнүнө карата иш-планга ылайык «Мыкты кыргыз тили жана адабияты кабинети» аттуу кароо-сынактын шаардык туру өткөрүлдү.

Бул иш-чаранын максаты — билим берүү уюмдарында кыргыз тили менен адабият сабактарын окутуунун сапатын жогорулатуу, мамлекеттик тилди өнүктүрүү жана окутуучулардын чыгармачыл эмгегин колдоо болуп саналат.

Кароо-сынак бекитилген жобонун негизинде уюштурулуп, ага райондук турда 1–2-орундарды ээлеген жалпы билим берүү уюмдары жана мектепке чейинки билим берүү уюмдары катышышты.

Комиссиянын төрайымы -  Кыргыз Республикасынын Президентине караштуу Мамлекеттик тил жана тил саясаты боюнча улуттук комиссиянын кызматкери  Сооронбаева Айнура Аляскаровна болуп, мамлекеттик тилге талбай салым кошкон агартуучуларга ыраазычылык билдирди.

Жыйынтыгы боюнча:

Жалпы билим берүү уюмдары арасында:

 1-орун — №82 жалпы билим берүү мектеби

 3-орун — №115 жалпы билим берүү мектеби

Мектепке чейинки билим берүү уюмдары арасында:

 1-орун — №22 МЧББУ

 2-орун — №8 МЧББУ

 3-орун — №181 МЧББУ