Бүгүн А.Осмонов атындагы КР Улуттук китепканасында Кыргыз Республикасынын Президентине караштуу Мамлекеттик тил жана тил саясаты боюнча улуттук комиссия Кыргыз Республикасынын Министрлер Кабинетинин 2020-жылдын 1-октябрындагы №510 токтому менен бекитилген “Кыргыз Республикасында 2021-2025-жылдары мамлекектик тилди өнүктүрүү жана тил саясатын өркүндөтүү программасынын” негизинде  5 китеп чыгарып, бет ачарын уюштурду. 

Эрнис Турсуновдун “Балдар үчүн котормолору”,  Жумагул Сааданбековдун “Биз-кыргызбыз” китеби, Гулнора Холматованын “Коңгуроолуу саат” аттуу китеби, ошондой эле “Кыргыз адабий тили: улуттук доорго чейин жана улуттук доордо” аттуу академик С.Ж.Мусаев жана Т.С.Мусаева жазган илимий эмгек жана академик С.Ж.Мусаев түзгөн Болот Юнусалиевдин “Кыргыз тилиндеги көмөкчү этиштер” аттуу эмгеги жарык көрдү. 

Бул иш-чарага КР Президентине караштуу Мамлекеттик тил жана тил саясаты боюнча улуттук комиссиянын төрагасы, профессор – Каныбек Осмоналиев, КР Президентинин Администрациясынын изилдөөлөр, саясатты иштеп чыгуу жана реформаларды ишке ашыруу бөлүмүнүн башчысынын орун басары – Капалбаев Октябрь Эркинович, КР А.Осмонов атындагы китепкананын директору – Иманкулова Нуржан Ракимовна, жаңы чыккан китептердин авторлору жана түзүүчүлөрү: Мусаев Сыртбай Жолдошович ф.и.д. академик, Сааданбеков Жумагул с.и.д, профессор,  Турсунов Канат (Эрнис Турсуновдун уулу), ошондой эле жогорку окуу жайлардын жана мамлекеттик органдардын өкүлдөрү, ЖМК өкүлдөрү катышты.

            Иш-чарага катышкан коноктор куттуктоо сөздөрүн сүйлөшүп, ой-пикир, каалоо-тилектерин айтышты.