Кыргыз Республикасынын Президентине караштуу Мамлекеттик тил жана тил саясаты боюнча улуттук комиссиянын алдындагы Кыргыз энциклопедия жана терминология борбору тарабынан «Кыргыз Республикасында 2021–2025-жылдары мамлекеттик тилди өнүктүрүү жана тил саясатын өркүндөтүү» программасынын (37- жана 53-пункттары) негизинде бир нече илимий, адабий жана энциклопедиялык эмгектер бүгүнкү күндө жарык көрүп отурат. Бул эмгектер Улуттук комиссиянын алдында атайын түзүлгөн илимий-редакциялык талдоодон өткөрүүчү редакциялык-эксперттик комиссия тарабынан талдоодон өткөрүлүп, 23 автор тарабынан түзүлгөн 19 эмгек басылып чыкты. 

Китептердин бет ачары аземи А. Осмонов атындагы улуттук китепканада 2023-жылдын 17-ноябрында өткөрүлдү. Бет ачарга китептин авторлору, коомдук ишмер, акын-жазуучулар катышты. Кечени КР Президентине караштуу Мамлекеттик тил жана тил саясаты боюнча улуттук комиссиянын төрагасы К. Осмоналиев ачып, өзү алып барды.

Иш-чаранын алкагында Улуттук комиссиянын сыйлыктары тапшырылды.