Бүгүн КР Президентине караштуу Мамлекеттик тил жана тил саясаты боюнча улуттук комиссия Азербайжан диаспорасы менен биргеликте А. Осмонов атындагы Улуттук китепкананын Ч.Айтматов атындагы Кыргыз-түрк маданий борборунда Гейдар Алиев жылынын алкагында «Тил – биздин улуттук байлыгыбыз» аттуу илимий-практикалык конференция уюштурду. Буга КР Президенттик Администрациясынан Капалбаев Октябрь Эркинович, Кыргыз Республикасынын Баатыры Медеткан Шеримкулов, Азербайжан Республикасынын Диаспора менен иштөө боюнча мамлекеттик комитетинин төрагасы Мурадов Фуад баштаган өкүлдөрү катышты. Ошондой эле Кыргыз улуттук илимдер академиясынын Академиктери, Кыргызстандагы элчиликтердин, диаспоралардын өкүлдөрү, айрым министрликтердин, ЖОЖдордун өкүлдөрү жана ЖМК өкүлдөрү катышты.